Infektuar: 15270|Shëruar: 12900|Vdekur: 619

Mercedesi dënohet me 1.5 miliardë dollarë për mashtrim në testime të emetimit të gazrave

Prodhuesi i automjeteve Daimler AG dhe filiali Mercedes-Benz në SHBA janë pajtuar që t’i paguajnë 1.5 miliardë dollarë qeverisë amerikane dhe rregullatorëve të shtetit të Kalifornisë për të zgjidhur pretendimet se kanë mashtruar në testimet e emetimeve të gazrave, kanë konfirmuar zyrtarët të hënën, shkruan CBSNews

Departamenti amerikan i Drejtësisë, Agjencia për Mbrojtjen e Ambientit dhe Zyra e Prokurorit të Përgjithshëm të Kalifornisë ka thënë se Daimleri ka thyer ligjet për ambientin duke e përdorur të ashtuquajturin “mposhtja e pajisjes softuerike”, për të anashkaluar testimin e emetimeve.

Duke e bërë një gjë të tillë kompania ka shitur rreth 250 vetura dhe furgona ndërmjet 2016-19, me motorë me naftë që nuk i plotësonin standardet shtetërore dhe federale.

Marrëveshja, e cila përfshin dënimet civile dhe që ende pret miratimin e gjykatës në Uashington, do t’i kërkojë Daimlerit të rregullojë automjetet që tashmë i ka shitur.

Daimler AG duhet të riparojë të paktën 85% të makinave të prekura brenda dy viteve dhe të paktën 85% të furgonave të prekur brenda tre viteve, thanë zyrtarët e Departamentit të Drejtësisë. Kompania gjithashtu duhet të ofrojë garanci të zgjatura për drejtuesit e automjeteve në pjesë të caktuara të automjeteve dhe të kryejë teste të emetimeve në automjetet e riparuara çdo vit për pesë vitet e ardhshme.

LITERAL.MEDIA

Lajmet e fundit

Të rekomanduara

Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001