Infektuar: 98435|Shëruar: 84505|Vdekur: 1223

Kërkohet nga Qeveria Kurti kthimi i Ligjit të Pagave

Kryetari i Aleancës për Ardhmërinë e Kosovës, Ramush Haradinaj ka kërkuar nga Qeveria e udhëhequr nga kryeministri Albin Kurti miratimin e Ligjit për Paga për shërbyesit civil.

Përmes një konference për medie, Haradinaj tha se procedimi tutje i këtij ligji në Qeveri është i nevojshëm.

“Ligji i Pagave është një ligj bazë që është punuar për 10 vjet për ta finalizuar në Qeveri dhe për ta votuar nga Kuvendin e Kosovës. Është dashur mjaftë punë dhe buxhetim, përgatitje të të gjitha aspekteve të nevojshme. Kërkojmë nga Qeveria ta rikthen në procedurë [Ligjin e Pagave], të plotësohet aty ku është dashur, të kthehet në Kuvend në mënyrë që t’iu kthehet dinjiteti i të gjithë zyrtarëve publik”, tha Haradinaj, përcjell Telegrafi.

Ndërsa, shefi i grupit parlamentar të AAK-së, Besnik Tahiri tha se ekzekutivi do ta ketë mbështetjen e AAK-së në këtë temë, mirëpo duhet të bëhet amandamentimi i Ligjit që është iniciuar nga ish-Qeveria Haradinaj.

Gjykata Kushtetuese në fund të muajit qershor të vitit të kaluar, e ka shpallur të pavlefshëm këtë Ligj duke e pranuar kërkesën e Avokatit të Popullit pas ankesave të disa sindikatave.

Pas pezullimeve, Gjykata ka vendosur që Ligji në tërësi nuk është në përputhshmëri me disa nene të Kushtetutës së Kosovë.

Ligji ishte paraparë të rregullojë pagesën e të punësuarve që marrin rroga nga buxheti i shtetit, ku koeficienti më i lartë është 10 dhe më i ulëti është 1 dhe vlera monetare e koeficientit për vitin e parë do të jetë 239 euro.

LITERAL.MEDIA

Lajmet e fundit

Të rekomanduara

Hulumtime
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001