Infektuar: 39057|Shëruar: 24427|Vdekur: 1005

Ibrahimovic: Desha t’i bashkohem Bolognës falas për Mihajlovicin, por pastaj erdhi Milani

Zlatan Ibrahimovic ka zbuluar se ishte i gatshëm t’i bashkohej Bolognës falas për shkak të miqësisë së ngushtë me trajnerin e saj serb, Sinisa Mihajlovic, para se Milani t’i trokiste në derë.

Sulmuesi suedez u rikthye në Milan në janar dhe që prej atëherë ka mahnitur duke i udhëhequr kuqezinjtë drejt kreut të tabelës në Serie A këtë sezon.

Ai e kishte shkëputur kontratën me LA Galaxy në MLS në dhjetor të vitit të kaluar dhe ka mundur t’i bashkohej Bolognës – e cila udhëhiqet nga ish-bashkëlojtari i tij te Interi, Mijalovic – sikur Milani mos t’ia rihapte derën.

“Mendoj se Sinisa është njeri i madh. Jam me fat që e njoh personalisht. Në fillim nuk e pëlqenim njëri-tjetrin, por kur e njoha në Inter ishte dashuri nga dita e parë”, tha Ibrahimovic.

“Gjithmonë thosha: ‘Nëse do të shkoja në luftë, Sini do të ishte në frontin e parë, unë në të dytin’. Në Inter e kuptova çfarë njeriu i madh është, jam krenar që jam mik i tij”, shtoi ai.

“Ai bëri gjithçka që mundi për të më marrë në Bologna. I tha fjalët e duhura dhe unë isha i sinqertë me të, nuk vrapoj dot sic vrapoja më parë. Mihajlovic tha se do të kishte nevojë për mua vetëm para portës dhe unë i thashë se do t’ia bashkohesha Bolognës falas vetëm për të, por pastaj erdhi Milani”, tregoi ai.

LITERAL.MEDIA

Lajmet e fundit

Të rekomanduara

Ekonomi
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001