Infektuar: 73048|Shëruar: 61986|Vdekur: 1649

Filipe Luis: Hazard është në nivel me Messin, por i mungon ambicia për t’u bërë më i miri në botë

Eden Hazard ka aftësitë përafërta natyrale me Lionel Messi, mirëpo i mungon ambicia për t’u bërë më i miri në botë. Kështu ka thënë Filipe Luis, i cili ka luajtur me belgun te Chelsea.

Braziliani beson se mesfushori i Real Madridit është shumë dembel dhe duhet të ketë më shumë pasion për futbollin, në mënyrë që të qëndrojë në listën e më të mirëve.

“Eden, së bashku me Neymarin, janë dy lojtarët më të mirë në krah të të cilëve kam luajtur – në të njëjtin nivel me Messin”, ka deklaruar Luis për Daily Mail.


“Ai nuk stërvitej si duhet, pesë minuta para ndeshjes luante Mario Kart në zhveshtore. E bënte nxehjen pa i lidhur këpucët. Asokohe askush nuk mund t’ia merrte topin. Driblonte tre apo katër lojtarë dhe i fitonte ndeshjet vet”.

“Hazard ka talent të jashtëzakonshëm. Ndoshta i mungon paksa ambicia për të thënë: ‘Do të bëhem lojtari më i mirë në botë’. Sepse mund të bëhet”, ka shtuar 35-vjeçari.

LITERAL.MEDIA

Lajmet e fundit

Të rekomanduara

Ekonomi
Teknologji
Hulumtime
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001