Infektuar: 15270|Shëruar: 12900|Vdekur: 619

Dy klube shqiptare përfitojnë nga transferimi i Muriqit te Lazio

Kalimi i Vedat Muriqit nga Fenerbahce te Lazio për 18 milionë euro, me sulmuesin e Kosovës që nënshkroi kontratë pesëvjeçare me një pagë prej dy milionë eurosh në sezon, ka gëzuar pamasë jo vetëm futbollistin e përfaqësueses dardane, por edhe dy klube shqiptare.

Nga transferimi i sulmuesit te klubi italian kanë mbushur arkat edhe Teuta e Durrësit dhe Besa e Kavajës.

Dy klubet e përmendura ndikuan në rritjen si futbollist të 26-vjeçarit, i cili përpara se të transferohej në Turqi te Giresunspor në sezonin 2013/2014 u aktivizua fillimisht me Teutën dhe më pas u huazua te Besa.

Duke iu referuar Panorama Sport (transmeton SS), nga 18 milionët që mori, Fenerbahce 270.000 euro do t’i derdhë në arkat e Teutës, ndërsa 90.000 euro të tjera do të shkojnë për Besën e Kavajës, shifra të majme këto për buxhetin e dy klubeve shqiptare.

Ndryshe, krahas Giresunspor dhe Fenerbahce, Muriqi në Turqi ka luajtur edhe te Genclerbirligi dhe Rizespori, ndërsa rrjedh nga shkolla e futbollit e Lirisë së Prizrenit.

LITERAL.MEDIA

Lajmet e fundit

Të rekomanduara

Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001