Infektuar: 56806|Shëruar: 49537|Vdekur: 1450

Dorëhiqet këshilltari i Presidentit Trump për koronavirusin

Dr. Scott Atlas dha dorëheqjen si këshilltar special i Presidentit Trump, tha një zyrtar të hënën, pas katër muajsh në detyrë gjatë të cilave Atlas ka pasur përplasje të shpeshta me median dhe pjesëtarë të tjerë të ekipit të Shtëpisë së Bardhë kundër koronavirusit.

“Ju shkruaj të jap dorëheqjen nga pozita e këshilltarit special të presidentit të SHBA,” shkruan Atlas në një letër në adresë të presidentit, që mban datën 1 dhjetor, sipas kanalit Fox News që njoftoi i pari për largimin e tij.

Atlas konsiderohej punonjës me status special në qeverinë federale, me një detyrë 130 ditëshe që skadoi këtë javë, Me profesion mjek neurokardiolog, Atlas kërkoi ndjesë këtë muaj që i kishte dhënë intervistë rrjetit rus RT, duke thënë se nuk e dinte që financohej nga Kremlini.

Dr. Atlas është kritikuar ashpër nga ekspertë të shëndetësisë, përfshirë Dr. Anthony Faucin, se ka dhënë informacion çorientues liddhur me pandeminë.

Ai ka nënvlerësuarnë mënyrë të përsëritur maskat dhe këtë muaj tha se masat e izolimit kanë qenë “një dështim epik” në ndaljen e infektimeve.

Pikëpamjet e tij për pandeminë janë kritikuar nga kolegët e tij ekspertë të shëndetësisë.


LITERAL.MEDIA

Lajmet e fundit

Të rekomanduara

Ekonomi
Hulumtime
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001