Infektuar: 1067|Shëruar: 844|Vdekur: 30

Tahiri: Shqetësuese heshtja e Kurtit sonte që Beogradi futi në karantinë komunat veriore të Kosovës

Deputeti i PDK-së Abelard Tahiri ka thënë se është tepër shqetësues fakti se Beogradi zyrtar e ka futur në karantinë Mitrovicën veriore dhe Zveçanin, ndërsa ka thënë se kryeministri i shkarkuar Albin Kirti po heshtë.

Tahiri ka shkruar në faqen e tij në Facebook se “kryeministri i shkarkuar Albin Kurti duket qartazi se nuk e ka problem dhunimin e sovranitetit që po i bëhet Kosovës nga Serbia”.

Deklarata e plotë e Abelard Tahirit:

Lajmi që dy Komunat e Kosovës, Mitrovica Veriore dhe Zveçani, janë futur në karantinë, si dhe rreth 200 qytetarë në pesë Komuna janë detyruar të izolohen, me urdhër nga Beogradi, për shkak të pandemisë, është shqetësim tepër serioz për shtetin tonë.

Kryeministri i shkarkuar, Albin Kurti, duket qartazi se nuk e ka problem dhunimin e sovranitetit që po i bëhet Kosovës nga Serbia, por është i preokupuar dhe i obsesionuar me veten e tij dhe partinë e tij.

Por, ai duhet ta kthejë vëmendjen kah problemet reale që ka para vetes, dhe të marrë masa urgjente, t’i dërgojë në veri përfaqësuesit e institucioneve tona, qoftë të sigurisë, qoftë shëndetësore, për çkado që qytetarët e asaj pjesë kanë nevojë.

Prezenca e institucioneve të Kosovës është e domosdoshme atje.

Sikur Albin Kurti vetëm gjysmën e energjisë që shpenzonte për akuzat ndaj të tjerëve në relacion me Serbinë, sa ishte në opozitë, ta vinte tash në funksion, situata në terren do të ishte ndryshe. Por, kjo është hipokrizia e tij e radhës.

LITERAL.MEDIA

Lajmet e fundit

Të rekomanduara

Ekonomi
Hulumtime
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001