Infektuar: 125|Shëruar: 10|Vdekur: 1

Nënkryetarja e AAK-së paralajmëron protesta

Nënkryetarja e Aleancës për Ardhmërinë e Kosovës, Albena Reshitaj, ka komentuar zhvillimet e fundit në vend.

Reshitaj ka thënë se reciprociteti në vend të taksës, siç ka propozuar qeveria e Albin Kurtit, do të ishte një gabim i Kosovës, pasi nuk ka njohje reciproke mes vendeve.

Reshitaj, deputete në Kuvendin e Kosovës, thotë se taksa ka prishur shumë strategji të Serbisë, prandaj Kosova duhet të ketë kujdes në këtë drejtim.

Reshitaj thotë se gjëja e fundit që do të donte të shihte do të ishin protestat në rrugë kundër largimit të taksës.

“Por, kam frikë se mundësia e fundit që do të detyrohemi ta përdorim është protesta”, ka deklaruar ajo në Rtv Dukagjini.

Reshitaj thotë se frika ekziston që taksa të ndajë edhe shoqërinë në grupacione.

Duke folur për Autostradën e Dukagjinit, deputetja thotë se Qeveria Haradinaj vetëm pasi procedoi me autostradat tjera vendosi për ndërtimin e Autostradës së Dukagjinit.

“Është diskriminim shumë i madh kur janë ndërtuar shumë autostrada të thuhet se autostrada e Dukagjinit nuk është interes i qeverisë”.

Ish-ministrja e Ambientit duke folur për shkarkimet në disa borde publike që ka bërë Qeveria Kurti, ka thënë se punëtorët nuk guxojnë të mbeten në listat rezervë.

“Sekretarëve permanent duhet t’u gjenden pozita të ngjashme sipas ligjit. Qëllimi duket se është zëvendësimi me njerëz tjerë. Mbetet të shihet”, tha ndër të tjera Albena Reshitaj.

LITERAL.MEDIA

Lajmet e fundit

Të rekomanduara

Teknologji
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001