Infektuar: 184|Shëruar: 30|Vdekur: 6

Mustafa takon drejtuesit e Odës Ekonomike Gjermano – Kosovare

Ministri i Bujqësisë, Pylltarisë dhe Zhvillimit Rural, Besian Mustafa ka pritur sot në takim drejtoreshën menaxhuese të Odës Ekonomike Gjermano – Kosovare, Nora Hasani bashkë me Arten Bajrushin, anëtar i bordit të kësaj ode dhe përfaqësues i kompanisë “Sharrcem”, me të cilët ka biseduar për bashkëpunimin në fushën e bujqësisë, si dhe për zhvillimet e përgjithshme në këtë fushë.

Mustafa i njoftoi ata me politikat bujqësore të ministrisë për këtë mandat, me c’rast theksoi se në fokus do të jetë fuqizimi dhe avancimi i mëtejmë i sektorit të bujqësisë, duke përfshirë këtu mbështetjen edhe për agrobizneset vendore.

Ai shprehu gatishmërinë për bashkëpunim të mëtutjeshëm me Odën Ekonomike Gjermano – Kosovare, me qëllim të rritjes së shkëmbimeve tregtare mes dy vendeve.

Nga ana e saj, drejtoresha e OEGJK-së, Nora Hasani, e njoftoi ministrin me bashkëpunimin që kanë me organizatat ekonomike në Kosovë, si dhe bizneset e ndryshme dhe njëkohësisht shprehi gatishmërinë e saj që bashkëpunimi të thellohet në nisma konkrete.

LITERAL.MEDIA

Lajmet e fundit

Të rekomanduara

Hulumtime
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001