Natyra është një mirëbërëse e heshtur

Marie Gusho, e bija e poetit Lasgush Poradeci, u lind në Tiranë, më 16 mars të vitit 1958. Ka mbaruar Fakultetin Ekonomik në Tiranë dhe gjithmonë ka punuar në administratën shtetërore. Viteve të fundit i është kushtuar botimit të veprës së babait të saj.Jeta e njeriut, kjo rrjedhë e pandalshme, është më e çuditshmja dhe më e larmishmja gjë në botë. Herë-herë ajo është e vrullshme. I mbart sekondat mbi shpinën e saj ashtu si uji stërkalat në katarakt tek thyen qafën.E ti nuk e kupton si kalon ajo me aq shpejtësi para syve të tu, që janë po aq mospërfillës sa edhe kundrejt një kalimtari të zakonshëm në rrugë. Por herëherë jeta bëhet përtace e në këtë rast ngjan me një plakë të kërrusur që çapitet lehtë duke mbajtur në dorë një thes, shkruan Koha Ditore. E ç’ka aty në thes? Gjashtëdhjetë vjet ecje, që po t‘i mbledhësh në vijë të drejtë, kalojnë disa herë mbi ekuator. Mos vallë jeta çapitet se u lodh nga kjo ecje pa mbarim? Mos vallë ajo diku do të ndalet e do t’ia hapë grykën thesit e do t’i rrokullisë të gjashtëdhjetë vjetët në humnerë? Jo! Jeta nuk do të arrijë të ndalet. Shkëndijat e së nesërmes e grishin, e ftojnë në këtë ecje të pandalshme. Dhe ajo kap me dorën e saj thesin dhe shkon përpara sapo bie gongu i startit të përjetshëm.Dashuria është ajo gjë e çuditshme dhe e pashpjegueshme, e cila e mban në ekuilibër të gjithë universin. Asgjë nuk mund të bësh në këtë jetë edhe në të tjerat pa dashuri. Njerëzit kanë dëshirë të zjarrtë për dashuri.Asnjë martesë, familje ose miqësi nuk mund të lulëzojë pa të. Prandaj është e arsyeshme të themi se dashuria është thelbësore për shëndetin mendor dhe lumturinë.Nëna, kjo qenie e dashur, pa shëmbëllim. Më mësoi gjithçka në këtë jetë, vetëm nuk më mësoi si të jetoj pa të. Sot më mungon më shumë se asnjëherë, nëna ime e dashur. Shoh rrugëve plot lule, që ti i doje aq shumë dhe më shkon mendja të marr një buqetë të madhe dhe të ta sjell. Befas më rrëshqasin lotët kur kuptoj se është e pamundur.Sa herë dëgjoj dikë që thërret emrin nënë më vjen një e dridhur dhe nuk mund t’i ndal lotët e më shoqërojnë pikëllimi dhe malli, që nuk mund të të përqafoj dot. E shtrenjta ime, askush në botë nuk e zëvendëson dashurinë tënde. Do të dua sa të kem jetë.

Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001