Të anulohet procesi i emërimit të noterëve, të përzgjidhen meritorët

Vitin e kalur në Kosovë ishte zhvilluar procesi i emërimit të noterëve të rinj, proces ky që ngriti shumë reagime në publik me dyshime se pati konflikt interesi gjatë përzgjedhjes së noterëve, shkruan Literal Media. Ishte pikërisht tashmë Ministrja e Drejtësisë, Albulena Haxhiu atëkohë kryesuese e Komisionit Parlamentar për Legjislacion e cila pati kërkuar që procesi i rekrutimit të noterëve të rinj të kthehet në pikën zero. Haxhiu u tregua e vendosur në këtë drejtim ku menjëherë pas marrjes së detyrë së re paralajmëroi se gjatë kësaj jave mund të marr vendimin për anulimin e procesit të noterisë. "Unë kam në plan që procesi i noterisë të anulohet dhe të kthehet në pikën zero. Këtu janë dy shqetësime: e para, fitimi i të drejtës individuale, ata të cilët e kanë kaluar provimin e noterisë do të mund që të ankoheshin në gjykatë tek departamenti administrativ… (Brenda asaj liste) ka edhe të tillë që e kanë kaluar provimin me meritokraci, nuk po them se e gjithë lista prej atyre personave e kanë kaluar provimin me baza nepotiste familjare, partiake, por po them se as atyre të mirëve brenda asaj liste nuk u intereson që të dalin nga një proces i komprometuar i noterisë. Ne jemi duke parë vetëm bazën ligjore në mënyrë që mos të bëjmë ndonjë shkelje eventuale", ka thënë Haxhiu. Literal Media ka kontaktuar me analistin, Muhamet Kelmendi i cili vendimin e saj nuk po e sheh të fuqishëm duke e quajtur 'vendim nul'. Megjithatë Kelmendi shpreson se rifillimi i këtij procesi të sjell noterë meritorë. "Qeveria e re e ka filluar punën me disa vendime të cilat ashtu kështu janë nul. Pse vepron kështu nuk e di. Në fakt ka qenë konkursi i noterëve nul. Ai ka kohë që nuk ka prodhuar efekte juridike. Por, megjithatë është mirë që po fillon apo të themi po rifillon ky konkurs nga fillimi. Të shpresojmë se kualiteti do të mbizotëroj dhe se noterë do të bëhen të merituarit, e jo motra, bashkëshortja a ndonjë familjare i këtij apo atij ministri, deputeti etj, sikunder ishte" është shprehur Kelmendi. Por ndryshe mendon analisti, Blerim Burjani i cili për Literal Media tha se e konsideron të drejtë dhe të nevojshëm vendimin e ministres Haxhiu për anulim të noterëve. "Po gjithsesi që duhet anuluar fitues të shumtë të familjarëve të PAN-it e veçmas të PDK-së që tentojnë të zgjidhen probleme familjare ekonomike dhe për të forcuar gjendjen ekonomike përmes nepotizmit dhe familjarzimit dhe korrupcionit" ka thënë Burjani. Kujtojmë që lidhur me këtë çështje reagim pati lëshur Zyra e Bashkimit Europian në Kosovë e cila pati kërkuar nga Ministria e Drejtësisë anulimin e procesit të noterëve të rinj. Poashtu edhe Ambasada e Gjermanisë në Kosovë, pati kërkuar që të respektohen rekomandimet e Zyrës së BE-së në Kosovë. Madje edhe Instituti Colombus, Organizata Çohu, Instituti i Kosovës për Drejtësi, Lëvizja FOL dhe Grupi për Studime Juridike dhe Politike (GLPS) përmes nje deklarate kishin shprehur shqetësimin e tyre. Por që me këto reagime nuk ishte pajtuar Ministri i Drejtësisë, Abelard Tahiri.Shkruan: Aulona Sylaj

Rritet numri i aborteve në Kosovë, shkaku kryesor kushtet financiare

Aborti është vdekja e një bebe në barkun e nënës. Në mesin e grave të cilat e dinë se janë shtatzëna, rreth 10-15% përfundojnë me abort, raporton Literal Media.Mirëpo jo gjithmonë abortet janë të paqëllimshme, ngase shumë nëna në Kosovë për arsye të ndryshme zgjedhin abortin.Edhe qytetarja M.P është njëra ndër nënat e cila ka abortuar si shkas i kushteve financiare."Unë jam met shtatzanë pa e ba plan edhe mu ka dasht me abortu se kushtet financiare nuk i kemi pas të mira", është shprehur ajo.Në Kosovë, gratë mbi moshën 18 vjeç janë të lejuara të abortojnë deri në javën e dhjetë të shtatzënisë në mënyrë të vullnetshme, apo për shkaqe të planifikimit familjar. Ato nën 18 duhet të marrin leje nga prindërit e tyre.Literal Media ka kontaktuar me Drejtorin e Gjinekologjisë në QKUK, Jakup Ismajli i cili ka dhënë detaje për abortet që bëhen në QKUK.Ismajli është shprehur se shkaqet kryesore të abortit në Repartin e Gjinekologjisë janë planifikimi familjar, kushtet socioekonomike apo edhe ngritja në kariere."Shkaqet kryesor të aborteve janë: Planifikimi familjar, kushtet socioekonomike si dhe ngritja në kariere", u shpreh Jakup Ismajli.Tutje, Ismajli tregoi se vetëm gjatë vitit 2019-të janë kryer rreth 190 aborte, shifër kjo e cila është në ngritje krahas viteve që lam pas."Në vitin 2019-të kemi pas 190 aborte tek ne", tha ai për Literal Media.I pyetur se a ka ndodhur ndonjë abort nga vajzat nën moshën 18 vjeçe, ai ka thënë se nuk ka pasur ndonje rast nën këtë moshë, mirëpo ai thotë se gratë dhe vajzat që nuk kanë status martesor nuk preferojnë të kryejnë aborte në klinikën publike dhe si zgjidhje i shohin ordinancat private."Nuk kemi pas asnjë abort nën moshen 18 vjeçe gjatë vitit 2019-të. Gratë dhe vajzat që nuk kanë status martesor nuk preferojnë të kryejnë aborte në klinikën publike, dhe ndër shkaqet që ipet thuhet të jetë konfidencialiteti që ato kërkojnë dhe mos regjistrimi i abortit të kryer në historikun shëndetësor. Kështu zi gjidhje kryesore ato i shohin ordinancat private", është shprehur Ismajli.Literal Media është munduar të kontaktojë edhe me spitalin e Pejës dhe Prizrenit mirëpo nuk kanë kthyer përgjige. Shkruan: Agnesë Zeqiraj

5 dekada UP, mbahet Java e Universitetit

Universiteti i Prishtinës “Hasan Prishtina” është institucioni më i madh i arsimit të lartë në Kosovë, i cili që nga themelimi i tij është shndërruar në forcën kryesore të shoqërisë kosovare për edukim dhe zhvillim, shkruan Literal Media.Me 15 shkurt bëhen 5 dekada të plota qysh nga hapja e Universitetit të Prishtinës 'Hasan Prishtina'. Universiteti i Prishtinës përfaqëson vlerat kombëtare, qëndresën dhe fuqinë studentore, vetë historinë e ekzistencës së vendit dhe popullit. E kaluara dhe e ardhmja e Kosovës lidhen me këtë institucion.Në vazhdim Literal Media iu sjell një historik të shkurtër nga krijimi i institucionit më të lartë arsimor në vend.Universiteti i Prishtinës është themeluar me Ligjin mbi Themelimin e Universitetit të Prishtinës, të cilin e miratoi Kuvendi i Krahinës Socialiste të Kosovës, më 18 nëntor 1969. Themelimi i Universitetit të Prishtinës ishte ngjarje historike për popullin e Kosovës, si edhe për mbarë kombin shqiptar.Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë, më 15 shkurt 1970, u mbajt edhe mbledhja solemne e Kuvendit dhe pikërisht kjo datë u shpall Dita e Universitetit të Prishtinës.Në përbërje të Universitetit të Prishtinës të posathemeluar ishin këto fakultete me seli në Prishtinë: Fakulteti Filozofik, Fakulteti Juridiko-Ekonomik, Fakulteti Teknik dhe Fakulteti i Mjekësisë.Tani Universiteti i Prishtinës i ka 17 fakultete, nga të cilat 14 janë fakultete akademike, ndërsa 3 janë fakultete të shkencave të aplikuara. Ndërkaq, me hyrjen në fuqi të Statutit të Universitetit, më 9 korrik 2004, të drejtat dhe përgjegjësitë e studentëve dhe të personelit të Fakultetit të Mësuesisë dhe të shkollave të larta pedagogjike u bartën në Fakultetin e Edukimit.Meqenëse tani po bëhen 50 vite qysh nga krijimi, UP me 10 shkurt ka nisur javën e Universitetit agjenda e së cilës është e mbushur me aktivitete, shkruan Literal Media.Dialog mes brezash ishte aktiviteti i parë i cili u mbajt dhe ish-studentë të këtij institucioni rrëfyen përvojat e tyre si studentë të Universitetit të Prishtinës.Një ndër folëset ishte Bleona Kurteshi e cila foli për përjetimet e ish-studentëve të UP-së rreth asaj se si ka qenë të jesh student i këtij universiteti.“Në bazë të të dhënave që i kemi mbledhë nga respodentët, me qenë student dhe profesor i UP-së në vitet e ’70-ta ka nënkuptu krenari, kënaqësi dhe prestigj. Një ish – student ka thënë se ka qenë ndjenjë e tillë si me qenë president”, tha Bleona.Ndërkohë që sot (e martë) u mbajt aktiviteti i rradhës, koncert me studentët e Fakultetit të Arteve.Para audiencës së koncertit, fjalën e mori edhe Marjan Dema, rektor i Universitetit të Prishtinës.'Ky është aktiviteti i dytë i studentëve, aktivitet në ditën që po shënon nisjen e Javës së Universitetit dhe kjo nuk është bërë rastësisht. Me kete koncert, dëshirojmë te përçojmë festën tek te gjithë ju ne kete jubile te rëndësishëm per vendin”, tha rektori Dema.Aktivitetet e parapara pritet të vazhdojnë ditëve në vijim deri me 15 shkurt, ku në Emerald do të mbahet Manifestimi Qendror.Shkruan: Literal Media

Erërat "traditë" në Istog, bizneset nuk gjejnë përkrahje nga shteti

Erërat në Istog tashmë janë bërë një lloj tradite për shumë vite me radhë, shkruan Literal Media. Çdo vit dëmet janë të mëdha duke filluar nga gjërat më të vogla e deri tek shkatërrimet e kompanive të ndryshme. Një fat të tillë ka pasur edhe Kompania 'Agro Product', kompani kjo e cila është themeluar nga viti 2002 dhe është e vetmja në Kosovë që bën eksport të bimëve medicinale në shtetet evropiane si: Gjermani, Zvicerr, Austri , Çeki, Bullgari dhe Francë, po ashtu në fillim të vitit 2018 kanë filluar bashkëpunimet me SHBA dhe Kanada.Literal Media ka qenë në vend të ngjarjes dhe ka biseduar me Besim Loshaj, kontabilist në 'Agro Product'. Loshaj është shprehur mjaftë i pikëlluar duke treguar se dëmet kësaj here kanë arritur rreth 130.000.00 euro. "Sera e I-rë me sistem tërësishtë të modernizuar automatikë, me sipërfaqe prej 1500m2 si dhe sistemi i ujitjes automatik i instaluar, sistem i cili kapë vlerën rreth 17,000.00 EUR, sera II-të me sipërfaqe prej 500 m2, tërësishtë e dëmtuar - Objekte, xhama, e kulme, si dhe rreth 800,000.00 fidane të mbjellura ne fidanishte i bie që dëmet në total të arrijnë vleren rreth 130,000.00 EUR Dëmtimi i Kompanisë Agroproduct e prek tërë zingjirin furnizues, e qendra grumbullimi të shtrira në tërë territorin e Kosovës. Në menyrë indirekte po ashtu u dëmtuan të gjithë kultivuesit e kontraktuar të të cilëve ju kishim premtuar sigurim të fidaneve të cilat ishin të mbjellura e tashmë të shkatërruara nga kjo ndodhi", tha ai.Tutje Loshaj ka treguar se edhe në vitin 2017 kanë pasur dëmtime të cilat kanë arritur vlerën rreth 65.000 euro dhe për këtë nuk kanë marrë asnjë ndihmë nga institucionet përgjegjëse."Heren e kaluar u dëmtuam rreth 65.000 € vlerë nga era e fuqishme e datës 08.01.2017 dhe për këtë ne nuk pranuam as një ndihmë nga organet kompetente qeveri apo ministri edhe përkundër vlerësimit që bëri komuna dhe ministria", përfundoi Besim Loshaj për Literal Media.Në këtë kompani prezent gjatë ditës së sotme ishte edhe Kryeministri, Albin Kurti i cili premtoi mbështetje për këtë kompani. Pamje nga vendi i ngjarjes: Shkruan: Agnesë Zeqiraj