Infektuar: 1032|Shëruar: 789|Vdekur: 29

Haradinaj flet për qeverinë e udhëhequr nga Kurti : Heqja e taksës ishte gabim

Deputeti i AAK’së Daut Haradinaj thotë se kryeministri në detyrë Albin Kurti injoroi një pjesë të madhe të qytetarëve të Kosovës.

Haradinaj në emisionin ‘DPT te Fidani’ në T7 tha se Kurti me ardhjen në pushtet harroi një pjesë të madhe të qytetarëve të Kosovës.

“Kurti kur u bë kryeministër mendoi se është bërë kryeministër i Vetëvendosjes dhe jo i Republikës së Kosovës”, tha Haradinaj.

“Na injoroi skajshëm, s’deshi me dëgju. I diskriminoi komunat në buxhet”, theksoi ai.

Sipas Daut Haradinajt, i pari i qeverisë në detyrë tregoi që s’mund të ruaj koalicionin qeverisës.

“Partneriteti që s’mundi me ruajt e ka çuar te shpija”, tha ai.

Sipas Hartadinajt edhe nëse ka ekzistuar një plan në mes të LDK’së dhe presidentit Hashim Thaçi, për rrëzimin e qeverisë, e të cilin po e përmend VV, me veprimet e tij Kurti ka ndihmuar në këtë drejtim.

“Kurti i ka ndihmuar kauzës për të cilën ai po dyshon duke e shkarkuar Veliun. Ai me vetëdije e ka krijuar këtë situatë”, shtoi ai.

“E hoqi taksën dhe pastaj çoi letër për konsultim”, shpjegoi Haradinaj.

LITERAL.MEDIA

Lajmet e fundit

Të rekomanduara

Hulumtime
Opinione
Take Me Top
Aktualitete Hulumtime Ekonomi Sport Shëndetësi Teknologji Opinione Rozë Kulturë Dossier 1001